Avtobus küçədə insanları əzdi - İftar vaxtı - FOTOLAR

Qaziantep şəhərində əyləc sistemi sıradan çıxdığı iddia edilən mikroavtobus öncə elektrik dirəyinə çırpılıb, sonra küçədəki insanları əzib. “Qafqazinfo” CNN Türk-ə istinadən xəbər verir ki, avtobus 200 metr hərəkət etdikdən sonra dayana bilib. Dəhşətli hadisə zamanı 3 nəfər avtobusun altında can verib. Maşının içində iki nəfər, küçədə isə 7 nəfər olmaqla, ümumilikdə 9 nəfər xəsarət alıb. Şahidlərin sözlərinə görə, 40 yaşlı Həsən Yavuz adlı bir kişini avtobus 200 metr sürüyüb. Hadisə sakinlərin iftar yeməyini gözlədiyi vaxtda baş verib.