Avtobus sürücüləri sərnişini zorladılar - Bakıda

Bakıda avtobus sürücüləri 30 yaşlı qadını döyərək zorlayıblar. Avtosfer.az "Report"a istinadən xəbər verir ki, hadisə 4-cü mikrorayon, Mir Cəlal Paşayev küçəsində qeydə alınıb. Məlumata görə, 30 yaşlı A.Q. (şərtidir) adlı qadın Nəsimi Rayon Polis İdarəsinə (RPİ) müraciət edərək bildirib ki, o, sərnişin avtobusunda həmin avtobusun sürücüsü Camal Tağıyev ilə tanış olub. Bir neçə gün sonra isə o, C.Tağıyevin evindəki qonaqlıqda işitrak edib. Qadın yeyib-içmək məclisində tanımadığı şəxsin (sonradan onun da avtobus sürücüsü 1979-cu il təvəllüdlü Tacəddin Zeynalov olduğu aydınlaşıb) qeyri-etik hərəkətlərinə etirazını bildirib. Bundan sonra sürücülər A.Q.-nı zorlayıb. Hadisə yerinə Nəsimi RPİ-nin 19-cu Polis Bölməsinin əməkdaşları gəlib.

Fakt üzrə Nəsimi Rayon Prokurorluğunda Cinayət Məcəlləsinin 149.2.1-ci (zorlama, bir qrup şəxs, qabaqcadan əlbir olan bir qrup şəxs və ya mütəşəkkil dəstə tərəfindən törədildikdə) maddəsi ilə cinayət işi başlanılıb. Hər iki şəxs tutulub.