Avtobus sürücülərinə nəzarət gücləndirilir

Bakı Nəqliyyat Agentliyində yaradılmış işçi qrupu paytaxtın  5 istiqamətində avtobusların hərəkətinə nəzarət edəcək. Bu barədə Movqe.az-a açıqlamasında Bakı Nəqliyyat Agentliyinin mətbuat xidmətinin rəhbəri Nuridə Allahyarova məlumat verib. O deyib ki, işçi qrupu tərəfindən aparılan nəzarət tədbirlərinin 5 iqtisamətə çatdırılmasının səbəbi hərəkətin intensiv olduğu ərazilərdə avtobusların iştirakı ilə baş verən qəza şəraitinin qarşısının alınmasıdır: "İşçi qrupu qış rejiminə keçidlə bağlı nəzarət tədbirlərini 5 istiqamətdə davam etdirəcək. Hərəkətin intensiv olduğu küçələrdə nəzarəti həyata keçirən işçi qrupu nümayəndələri avtobusların sürət həddinə, təhlükəli manevr etməsi, sərnişinləri mindirib-düşürmə qaydalarına əməl edib-etmədiklərini də nəzarətdə saxlayacaq. Nəzarət zamanı qeydə alınan bütün nöqsanlar barədə daşıyıcılara xəbərdarlıq edilmələ tədbir görüləcək".