Avtobus sürücüsü işdən azad edildi - Gediş haqqını nağd şəkildə aldığına görə

Bakıda 88 nömrəli marşrutda nağdsız ödəniş sisteminin tətbiq edilməsinə baxmayaraq, bu marşrut üzrə hərəkət edən "10 TH 401" dövlət nömrə nişanlı avtobusun sürücüsü gediş haqqını sərnişinlərdən nağd şəkildə qəbul edib.

Avtosfer.az xəbər verir ki, bu barədə Bakı Nəqliyyat Agentliyindən verilən məlumata görə, qurumun iradı əsasında daşıyıcı şirkət tərəfindən sürücü E.İsmayılov işdən azad edilib. Həmçinin daşıyıcı şirkət tərəfindən əmək kollektivi ilə toplantı keçirilib, sürücülər sərnişindaşıma qaydalarına riayət edilməsi barədə təlimatlandırılıb.

Agentlik bu kimi hallarla bağlı irad, təklif və şikayətləri ALO141 - Nəqliyyatın Ümumi Çağrı Mərkəzi vasitəsilə qəbul edir.