Avtobus sürücüsünə bəraət verildi

171 nömrəli avtobusun sürücüsünə bəraət verilib. Avtosfer.az lent.az-a istinadən xəbər verir ki, bu barədə vəkil Ceyhun Yusifov məlumat verib.

O, bildirib ki, hüquqlarını müdafiə etdiyi Camaləddin Həsənov Cinayət Məcəlləsinin 264-cü (Yol nəqliyyat hadisəsi yerindən qaçma) maddəsi ilə ittiham verilib: “ Müvəkkilim 171 nömrəli avtobusun sürücüsü olub. 2015-ci ildə Koroğlu metrostansiyasının yaxınlığında vətandaşı vurub. Ona istintaq orqanı tərəfindən hadisə yerindən qaçma ilə bağlı ittiham verilib. Nizami rayon Məhkəməsində  şahidlərin ifadəsindən sonra məlum olub ki, o, hadisə yerindən qaçmayıb. Hətta ilkin tibbi yardım göstərib. Hakim Elnur Nuriyev müvəkkilim barəsində bəraət hökmü çıxartdı”.

Vəkilin sözlərinə görə, istintaq orqanı Nizami rayon Məhkəməsinin hökmündən apellyasiya şikayəti verib: “Bakı Apellyasiya Məhkəməsində hakim Əmir Bayramov da işi araşdıraraq Nizami rayon Məhkəməsinin qərarını dəyişdirmədən saxladı və istintaq orqanın apellyasiya şikayəti təmin edilmədi”.