"Avtobusa minməmişəm e, qaqaş, oğurluq eləmişəm" - Maqnitafon oğrusu - FOTO

Sərnişin avtobuslarından oğurluq edən şəxs saxlanılıb. Avtosfer.az regiontv-yə istinadən xəbər verir ki, hadisə Abşeronda qeydə alınıb. Rəvan Qurbanov Daxili İşlər Nazirliyinin "102" xidmətinə zəng vuraraq onun idarə etdiyi 196 saylı avtobusun maqnitafonunun oğurlanması barədə məlumat verib. Daxil olan məlumat əsasında Abşeron Rayon Polis İdarəsinin Əməliyyatçıları oğurluqda şübhəli bilinən Fərid Mehdiyevi saxlayıb. İdarədə dindirilən şəxs törətdiyi əməli etiraf edib.

Saxlanılan Fərid Mehdiyev 119 saylı sərnişin avtobusunda işlədiyini deyir. Polis əməkdaşlarının apardıqları araşdırmlar nəticəsində Fəridin bundan başqa daha bir necə oğurluq əməli törətdiyi məlum olub.

Fərid Mehdiyev - saxlanılan şəxs: "Avtobusa minməmişəm e, qaqaş, oğurluq eləmişəm. Maşın bazarda dayanmışdı, içərisinə girib, maqnitafon və "kalonka" götürmüşəm, satmışam. 26, 27, 28 nömrəli marşrutlardan oğurluq eləmişəm. 30-32 dənə maqnitafon və "kalonka" olub, 15 minə satmışam". 

Artıq faktla bağlı Abşeron Rayon Polis İdarəsində cinayət işi başlanıb, araşdırma aparılır.