Avtomobil nəqliyyatında yükdaşıma ucuzlaşıb

2016-cı ilin yanvar ayında boru kəməri nəqliyyatı ilə neft və qazın nəql olunma qiyməti müvafiq olaraq 7,5 və 33% bahalaşıb. 

Avtosfer.az xəbər verir ki, bu barədə Dövlət Statistika Komitəsindən (DSK) bildirilib. 

Beynəlxalq əlaqələr üzrə yükdaşıma qiymətləri hava nəqliyyatnda 31,7%, dəmir yolu nəqliyyatında 28,6%, dəniz nəqliyyatında 28,5% bahalaşıb.

Bundan başqa, avtomobil nəqliyyatında 1,4% ucuzlaşıb, yerli əlaqə üzrə isə yükdaşıma qiymətlərində dəyişiklik baş verməyib.  Ümumilikdə nəqliyyat sektorunda yükdaşıma qiymətləri 2015-ci ilin dekabr ayı ilə müqayisədə 18,9% bahalaşıb.