Avtomobil partladıldı: 2 ölü

Səudiyyə Ərəbistanının şərqində yerləşən əl-Katif şəhərində avtomobilin partlaması nəticəsində 2 nəfər ölüb.  Avtosfer.az xəbər verir ki, bu barədə salamnews “al-arabia” televiziya kanalına istinadən xəbər verir. Hazırda hökumət partlayışın səbəbini araşdırır. İlkin məlumata əsasən, ölən hər iki şəxs bu həftə əl-Katif şəhər dairəsində törədilən hücum barədə iş üzrə şübhəli hesab edilib. Xatırladaq ki, bazar ertəsi bir qrup terrorçu əl-Katif dairəsinə daxil olan kənd ərazisində təhlükəsizlik xidmətinin avtomobilinə hücum edib. Hücum nəticəsində çevik müqavimət qüvvələrinin bir əməkdaşı yaralanıb. Qeyd edək ki, əl-Katif şəhərinin sakinlərinin çox hissəsi Səudiyyə Ərəbistanındakı dini azlıqlar olan şiələrdir.