Avtomobil piyadalara çırpıldı: xəsarət alanlar var

ABŞ-ın Filadelfiya şəhərində avtomobil piyadaları vurub. Avtosfer.az-ın "Report"a istinadən məlumatına görə, bu barədə "NBC Philadelphia" xəbər verib. Xəbərdə bildirilir ki, hadisə Əmək gününə həsr olunmuş şənliyin keçirildiyi ərazidə baş verib. Qəza zamanı 8 nəfər xəsarət alıb. Onlar arasında bir neçə yaşlı insan və hamilə qadın da var. Şahidlər bildiriblər ki, sürücü təhlükə haqqında siqnal verməyib. Yaralıların hamısı xəstəxanaya yerləşdirilib.

Polisdən bildirilib ki, avtomobili qadın sürücü idarə edib. O, sərxoş vəziyyətdə olub.