Avtomobil piyadanı vurub öldürdü - Qəbələdə

Qəbələ rayonunda yolu keçmək istəyən piyadını maşın vurub. Avtosfer.az Daxili İşlər Nazirliyinin (DİN) saytına istinadən xəbər verir ki, hadisə iyun ayının 29-da baş verib. Rayonun Mıxlıqovaq kənd sakini Müşfiq Muradxanov idarə etdiyi "VAZ-21074" markalı avtomobillə yolu keçmək istəyən rayon sakini Şair Əliyevi vurub. Xəstəxanaya yerləşdirilən Ş.Əliyev ötən gün xəstəxanada dünyasını dəyişib.

Faktla bağlı Baş İstintaq və Təhqiqat İdarəsi araşdırma aparır.