Avtomobil qaçıran şəxsin üzərindən narkotik çıxdı

Avtomobil qaçıran şəxsin üzərindən narkotik çıxdı. DİN Mətbuat Xidmətinin Lənkəran regional qrupundan Avtosfer.az-a verilən məlumata görə, Masallı rayonunun Ərkivan qəsəbə sakini Hüseynağa Cəfərov RPŞ-yə müraciət edərək noyabrın 22-də axşam saatlarında ona məxsus “VAZ 21011” markalı avtomobilin qaçırıldığını bildirib. Polis əməkdaşlarının keçirdikləri əməliyyat-axtarış tədbirləri ilə həmin avtomobilin Ərkivan qəsəbə sakini 39 yaşlı Müçtəba Sadıxovun qaçırdığı müəyyən olunub. Görülmüş tədbirlərlə avtomobil Boradigah kəndi istiqamətində hərəkətdə olarkən saxlanılıb və sürücü ilə birlikdə RPŞ-yə gətirilib.

M.Sadıxovun üzərinə baxış keçirililərkən ondan heroin də aşkar edilərək götürülüb.

Faktla bağlı cinayət işi başlanb, istintaq davam etdirilir.