Avtomobil qaçırmış şəxs kameraya düşdü

Siyəzən rayon sakini avtomobil qaçırdığı üçün tutulub. Avtosfer.az Daxili İşlər Nazirliyinin saytına istinadən xəbər verir ki, oktyabrın 26-da Sumqayıt şəhəri ərazisindən Siyəzən rayon sakini Orxan Abbasova məxsus “Opel” markalı avtomobil qaçırılıb.

Avtomobilin həmin gün Quba rayonu ərazisində hərəkətdə olması DİN-in Təhlükəsiz Şəhər Xidməti əməkdaşları tərəfindən aşkar edilib.

Həyata keçirilimiş tədbirlərlə avtomobil rayonun Dağlı kəndi ərazisində Quba RPŞ-nin əməkdaşları tərəfindən saxlanılıb və onu idarə edən Siyəzən şəhər sakini, əvvəllər məhkum olunmuş Əzizağa Nadirovla birgə Sumqayıt ŞPİ 4-cü PB-yə təhvil verilib.

Faktla bağlı araşdırma aparılır.