“Avtomobil satışı” adı altında dələduzluq edən şəxslə bağlı araşdırma aparılır – DİN-dən AÇIQLAMA - VİDEO

Avqustun 7-də Avtosfer.az saytında Oğuz şəhərində avtomobil satdığını deyən şəxsin dələduzluğu ilə bağlı xəbər vermişdik.

Belə ki, redaksiyamızın qaynar xəttinə şikayət ünvanlayan vətəndaş qeyd edib ki, almaq istədiyi avtomobil üçün ondan 250 manat beh tələb olunub.

Avtomobilin Oğuz rayonunda olduğunu bildirən dələduz behi aldıqdan sonra zənglərə cavab verməyib. Zərərçəkmiş şəxs deyib ki, onun tanışlarından biri maşın almaq adı ilə həmin dələduza zəng edib: "Tanışım ona zəng edərək maşını almaq istədiyini bildirən zaman dələduz yenidən beh istədi. Bu zaman ona inanmağımız üçün görüntülü danışmağı tələb etdik. Dələduz tələyə düşərək tanışımla görüntülü danışdı və onun üzünü videoqeydə aldıq. Oğuz rayonunda olduğunu bildirsə də, görüntülü danışıq zamanı məlum oldu ki, Xocəsən qəsəbəsindədir" - deyə zərərçəkmiş şəxs bildirib.

Məsələ ilə əlaqədar Daxili İşlər Nazirliyinin Mətbuat Xidmətinin Şəki regional qrupundan sorğumuza cavab olaraq bildirilib ki, qeyd olunan məsələ ilə bağlı araşdırmalar aparılır. Həmin şəxsin müəyyən olunaraq barəsində qanunamüvafiq tədbirlərin görülməsi istiqamətində tədbirlər həyata keçirilir.

Səfər