Avtomobil yolunda partlayış -  2 hərbçi şəhid olub

Türkiyənin Diyarbakır-Mardin avtomobil yolunda törədilən terror aktı nəticəsində iki hərbçi şəhid olub. Avtosfer.az “Report”a istinadən xəbər verir ki, terrorçular hərbçilərin avtomobillərinin keçdiyi yola döşədikləri əldəqayırma qurğunu partladıblar. İnformasiyaya əsasən, terrorçu PKK qruplaşması üzvləri qurğunu Mazıdağı yolayrıcında quraşdırıblar. Terror aktı nəticəsində yaralıların olduğu da bildirilib. Təhlükəsizlik qüvvələrinin bölgədə əməliyyatları davam edir.