Avtomobil yolunun kənarında torpaq uçqunu oldu - Qaraçuxurda

Qaraçuxur qəsəbəsində avtomobil yolunun kənarında uçqun olub. Avtosfer.az xəbər verir ki, bu barədə apa-ya Ekologiya və Təbii Sərvətlər Nazirliyinin (ETSN) Milli Geoloji Kəşfiyyat Xidmətinin geoloji planlama ekspedisiyasının dəstə rəisi Rafiq Həsənov məlumat verib.

O bildirib ki, uçqun Əhmədli-Günəşli arası sürüşmə sahəsində, dik yamacda baş verib.

Dəstə rəisinin sözlərinə görə, uçqunun baş verməsinə səbəb atmosfer yağıntıları olub.

R.Həsənov qeyd edib ki, hazırda Zığ sürüşmə sahəsində aktivlik müşahidə olunur, çatlarda genişlənmələr var.