Avtomobildən 6 min manatlıq qızıl oğurlandı

Gəncə şəhərində avtomobildən xeyli miqdarda pul və qızıl oğurlanıb.

Avtosfer.az teleqraf.com-a istinadən xəbər verir ki, oğurluq hadisəsi şəhərin Nizami rayonunda baş verib.

Gəncə şəhər sakini Ramil Paşayevə məxsus “Toyota” markalı avtomobildən 400 manat pul, 6000 manat dəyərində qızıl əşyalar, açar və sənəd naməlum şəxslər tərəfindən oğurlanıb.

Nizami (Gəncə) rayon polis idarəsi əməkdaşlarının həyata keçirdikləri əməliyyat-axtarış tədbirləri nəticəsində cinayəti törədən şəhər sakinləri  Suliddin Abbasov və Razi Rzayev tutulublar.