Avtomobildən ov tüfəngləri və narkotik tapıldı - Bakıda

Bakıda avtomobildən silah və narkotik aşkarlanıb. DİN-dən Avtosfer.az-a verilən məlumat görə, Baş Mütəşəkkil Cinayətkarlıqla Mübarizə İdarəsi əməkdaşlarının keçirdikləri əməliyyat tədbirləri nəticəsində Bakı şəhər sakini, əvvəllər məhkum olunmuş Vasif Abdulovun idarə etdiyi “Kia” markalı avtomobilə baxış zamanı oradan lüləsi və qundağı kəsilən, 16 kalibrli qoşa lüləli ov tüfəngi, lüləsi və qundağı kustar üsulla kəsilən, atəş üçün yararlı “TOZ-B” markalı qoşa lüləli ov tüfənginin kəsiyi və 3,206 qram heroin götürülüb.