Avtomobildən pirotexniki vasitə aşkarlandı - 1,5 min ədəd

Dövlət Gömrük Komitəsinin (DGK) “Sınıq Körpü” gömrük postunda Gürcüstandan gələn Azərbaycan vətəndaşının idarə etdiyi nəqliyyat vasitəsinə gömrük baxışı keçirilib. 

DGK-dən Avtosfer.az-a verilən məlumata görə, yoxlama baxışı Tovuz Gömrük İdarəsinin gömrük hüquqpozmalarına qarşı mübarizə şöbəsinə daxil olan məlumat əsasında reallaşdırılıb. 

Yoxlama zamanı avtomobildəki gizli saxlanc yerlərindən gömrük nəzarətindən gizlədilən 1 480 ədəd pirotexniki vasitələr aşkar edilib.

Faktla bağlı araşdırma aparılır.