Avtomobildən siqaretlər aşkar edilib – 16200 ədəd

Dövlət Gömrük Komitəsi (DGK) Xaçmaz Gömrük İdarəsinin “Xanoba” gömrük postunda Rusiyadan gələn Azərbaycan vətəndaşının idarə etdiyi nəqliyyat vasitəsinə gömrük baxışı keçirilib. Avtosfer.az DGK-yə istinadən xəbər verir ki, baxış zamanı, həmin nəqliyyat vasitəsində, gömrük nəzarətindən gizlədilmiş şəkildə 1 000 ədəd “Marlboro” və 13 200 ədəd “NZ” markalı siqaretlər aşkar edilib.

“Xanoba” gömrük postunda Rusiyadan digər Azərbaycan vətəndaşının idarə etdiyi nəqliyyat vasitəsinə baxış nəticəsində isə həmin avtomobildən 2 000 ədəd “NZ” markalı siqaret aşkar edilərək götürülüb.