Avtomobilə baxış zamanı 2 kq tiryək aşkarlanıb - Yardımlıda

Yardımlı Rayon Polis Şöbəsi əməkdaşları rayon ərazisində hərəkətdə olan Ağcabədi rayon Hindarx kənd sakini, 56 yaşlı Həsənov Fizuli Məhərrəm oğlunun idarə edtiyi "Mercedes" markalı avtomaşını saxlayaraq polis şöbəsinə gətiriblər. Rayon polis şöbəsindən Avtosfer.az-a verilən məlumata görə, avtomaşına baxış zamanı saxlanc yerində bağlamada 2 kiloqram çəkidə narkotik vasitə olan tiryək aşkarlanaraq götürülüb. Sürücü ilə yanaşı avtomaşında olan digər ağcabədili, 34 yaşlı Babayev Sabit Ələddin oğlu da istintaqa cəlb edilib. Hazırda istintaq bölməsində narkotik vasitənin kimdən alındığı araşdırılır. Faktla bağlı Yardımlı Rayon Polis Şöbəsində cinayət məcəlləsinin 234.4.3-cü maddəsi ilə cinayət işi başlanıb, araşdırma aparılır.