Avtomobili atəşə tutulan futbolçusunu mühafizəçi ilə təmin edilib

Kiyev “Dinamo”su komandanın futbolçu Denis Qarmaş və ailəsini mühafizəçi ilə təmin edib. Avtosfer.az “Report”a istinadən xəbər verir ki, 27 yaşlı yarımmüdafiəçinin özü və yaxınlarının həyatı üçün təhlükə yarandığına görə bu cür addım atılıb. Dekabrın 5-də 2 nəfər naməlum şəxs Ukrayna yığmasının üzvünün avtomobilini avtomatdan atəşə tutub. Nəqliyyat vasitəsinə 14 güllə dəysə də, həmin vaxt içində heç kim olmadığı üçün xəsarət alan olmayıb. İnsidentin Qarmaşın totalizatorlara borcu olduğu üçün baş verdiyi söylənilir. Futbolçu özü isə bu məlumatı təkzib edib. Qeyd edək ki, hadisə ilə bağlı cinayət işi açılıb.