Avtomobili qaçırmaqda şübhəli bilinən şəxslər tutuldular - Bakıda

Bakıda avtomobil qaçıran şəxslər Beyləqan rayonunda saxlanılıblar. Avtosfer.az-ın DİN-in saytına istinadən verdiyi məlumata görə, mayın 16-da Beyləqan rayonu ərazisində idarə edilən "VAZ-2107" markalı avtomobil şübhə doğurduğundan RPŞ-nin əməkdaşları tərəfindən saxlanılıb. Araşdırmalar zamanı qeyd edilən avtomobilin Samir Şirinova məxsus olması və mayın 14-də Nəsimi rayonu ərazisindən qaçırılması müəyyən edilib. Hadisəni törətməkdə şübhəli bilinənlər - Beyləqan rayon sakinləri, əvvəllər məhkum olunmuş Kənan Əsgərzadə və Səbahəddin Babalı tutulublar. Onlar izahatlarında qeyd edilən avtomobilin dövlət qeydiyyat nişanlarını tulladıqlarını bildiriblər.