Avtomobili və sürücülük vəsiqəsi olmayan şəxsə cərimə yazılıb - VİDEO

Avtomobili və sürücülük vəsiqəsi olmayan Ağdaş sakininin yaşadığı ünvana radara düşməsi ilə bağlı cərimə protokolu gəlib. Ağdaş rayonu, Qolqəti kənd sakini 17 yaşlı Orxan Həsənov deyir ki, hazırda adında radara düşməsi ilə bağlı iki cərimə protokolu var.

Orxan Həsənov qeyd edir ki, ona cərimə heç sürə bilmədiyi yük maşınına görə yazılıb.

Ekspertlərin sözlərinə görə, belə hallar texniki səbəblərdən baş verir və bunun əsas səbəbi də məlumatların sistemə yanlış daxil edilməsidir.

Məsələ ilə bağlı Baş Dövlət Yol Polisi İdarəsinə sorğu ünvanladıq.

İdarədən bildirildi ki, həmin nəqliyyat vasitəsi etibarnamə əsasında sürülməyə verildiyi zaman texniki xəta yaranıb. Bununla bağlı baş idarəyə müraciət etdikdən sonra məsələyə baxılacaq.

Ekspertlər bu kimi hallarla rastlaşan vətəndaşlara vaxtında uyğun idarələrə müraciət etməyi, adlarından cəriməni sildirməyi məsləhət görürlər.

Daha ətraflı videomaterialda.