Avtomobilin təkərlərində pirotexniki məmulatlar aşkar edildi - VİDEO

Dövlət Gömrük Komitəsi (DGK) Tovuz Gömrük İdarəsinin "Sınıq Körpü" gömrük postunda Gürcüstandan Azərbaycana gələn ölkə vətəndaşının idarə etdiyi "VAZ-21074" markalı minik avtomobilinə kinoloji xidmət iti tətbiq edilməklə gömrük baxışı keçirilib. Avtosfer.az DGK-ya istinadən xəbər verir ki, baxış zamanı, xidməti it nəqliyyat vasitəsinin təkərlərinə reaksiya verdiyi üçün avtomobil əsaslı şəkildə yoxlanılıb. Nəticədə avtomobilin təkərlərinin içərisində 80 ədəd "Big cracker" və 18 ədəd "Draggon eggs cracker" markalı pirotexniki vasitələr aşkarlanıb.

Faktla bağlı araşdırma aparılır.