Avtomobilindən oğurluq edən gənc tutuldu

Bakının Sabunçu rayonunda əcnəbi vətəndaşın avtomobilindən oğurluq edilib. 

Avtosfer.az xəbər verir ki, oğurluq hadisəsi Sabunçu qəsəbəsi, Aydınbəyov küçəsi, 13 ünvanında yerləşən avtomobil təmiri sexində baş verib. 

Türkiyə vətəndaşı, 1979-cu il təvəllüdlü Orhan Duran oğlu Mutlu özünə məxsus “Hyundai Accent” markalı avtomobilini təmir edilməsi üçün avtomobillərin təmiri sexinə gətirib. Orada avtomobildən qaynaq aparatı oğurlanıb. 

Sabunçu Rayon Polis İdarəsinin 12-ci polis bölməsi əməkdaşlarının keçirdiyi əməliyyat tədbirləri nəticəsində cinayəti törədən Abşeron rayon sakini, 1990-cı il təvəllüdlü Əhməd İmambaxış oğlu Əhmədov tutulub. 

Faktla bağlı cinayət işi başlanıb.