Avtomobillə vurulan piyada xəstəxanada ölüb - Tovuzda

Tovuzda avtomobillə vurulan piyada iki gün sonra xəstəxanada ölüb. Avtosfer.az apa-ya istinadən xəbər verir ki, hadisə martın 5-də rayonun Düz Çırdaxan kəndi ərazisində qeydə alınıb. Əlimərdanlı kənd sakini, 1972-ci il təvəllüdlü Fikrət Əliyev yolu keçmək istəyərkən “Hyundai” markalı avtomobillə vurulub. Ağır bədən xəsarətləri alan piyada Tovuz Rayon Mərkəzi Xəstəxanaya yerləşdirilib. Tibbi yardım göstərilsə də, F. Əliyev xəstəxanada dünyasını dəyişib. Faktla bağlı Tovuz rayon Polis Şöbəsində araşdırma aparılır.