Avtomobillərdən oğurluq etmiş dəstə üzvləri tutulub  

Avqustun 22-də Bakının Nizami Rayon Polis İdarəsinə rayon ərazisində müxtəlif avtomobillərdən maqnitafon və səsgücləndiricilər oğurlanması barədə məlumat daxil olub. Faktla bağlı RPİ 23-cü polis bölməsinin əməkdaşları tərəfindən əməliyyat-axtarış tədbirləri həyata keçirilib. Daxili İşlər Nazirliyindən Avtosfer.az-a verilən məlumata görə, nəticədə rayonun M.Əliyev və Ə.Zəimzadə küçələrində ümumilikdə 4 avtomobildən maqnitafon və səsgücləndiricilər oğurlamaqda şübhəli bilinən Bakı şəhər sakinləri Qasım Novruzov, Elşən Ağayev və Elvin Hüseynov tutulublar. Faktla bağlı Nizami rayonunda cinayət işi başlanıb, araşdırma aparılır.