Avtomobillərə qənim kəsilən şəxs tutuldu – Bakıda

Bakıda avtomobillərdən oğurluq edən şəxs saxlanılıb. Avtosfer.az DİN-ə istinadən bildirir ki, iyunun 20-də tutulmuş Seymur Əliyevin ətrafında Abşeron RPİ və Binəqədi RPİ əməkdaşları tərəfindən aparılmış əməliyyat tədbirləri ilə onun Abşeron rayonunun Masazır qəsəbəsindən sakinlər M.Vəliyevə məxsus "MTZ-82", Sabir İmanova məxsus "Mercedes" və Zakir Şirinova məxsus "Reno", E.İbrahimova, M.Hacıyevə və S.Nağıyevə məxsus avtomobillərdən, Biləcəri qəsəbəsi ərazisindən qəsəbə sakinləri N.Atakişiyevə məxsus "VAZ-2101", T.İbrahimova məxsus "Mercedes" və A.Əbdülova məxsus "Zil" markalı avtomobillərdən akkumulyator və səsgücləndiricilər oğurlaması da müəyyən edilib.

Faktla bağlı araşdırma aparılır.