Avtomobillərin daşıma fəaliyyəti ilə məşğul olmasına icazə verildi - Türkiyədə

Türkiyədə Azərbaycan dövlət nömrə-nişanlı avtomobillərin daşıma fəaliyyəti ilə məşğul olmasına icazə verilib. Avtosfer.az apa-ya istinadən xəbər verir ki, prezident Rəcəb Tayyib Ərdoğan Nazirlər Kabinetinin bununla bağlı qərarını təsdiqləyib. Rəsmi Qəzetdə yayımlanan qərar artıq qüvvəyə minib. Qərara əsasən, Azərbaycan dövlət nömrə-nişanlı avtomobillərin beynəlxalq daşıma fəaliyyəti ilə məşğul olmasına icazə verilib. Azərbaycan və Türkiyə arasında yaradılacaq komissiya həmin nəqliyyat vasitələrinin Azərbaycana daşıma fəaliyyəti ilə bağlı kvota müəyyənləşdirəcək.