Avtotəmir sexlərinə nazarət yoxdur - TƏHLÜKƏ

Paytaxtın Suraxanı rayonunda avtotəmir sexinda dəhşətli hadisə baş verib. Təmir edilən avtomobil ustanın başına düşüb. Nəticədə həmin şəxs ağır kəllə-beyin travması alıb. Avtosfer.az xəzər-xəbər-ə istinadən xəbər verir ki, bu hadisə fərdi formada fəaliyyət göstərən emalatxanalarda təhlükəsizlik məsələlərini aktuallaşdırır. Müşahidələr onu göstərir ki, fərdi şəkildə fəaliyyət göstərən təmir emalatxanalrında vəziyyət heç də ürəkaçan deyil. Avadanlıqların istismara yararlılığı, onlardan istifadə qaydaları, eləcə də ümumi təhlükəsizlik səviyyəsi aşağıdır.

Təhlükəsizlik qaydalarına aşağı səviyyədə əməl edilməsinin əsas səbəbi nəzarət mexanizmi ilə əlaqədərdir.

Ekspert Ərşad Hüseynovun sözlərinə görə, avtotəmir emalatxanaları sahəsində xüsusi standart olmadığı üçün pərakəndəlik hökm sürür. Amma Standartlaşdırma Metrologiya və Patent üzrə Dövlət Komitəsinə bu sahədəki pərakəndəliyi aradan qaldırmaq məqsədilə xüsusi standartların hazırlanması tapşırılıb.