Avtovağzalda bıçaqlanma hadisəsi baş verib - Bakıda
Gündəm
6 Oktyabr 2016 11:34
Oxunub 1930
Hadisəni törədən şəxsin axtarışları davam edir
Bakının Binəqədi rayonunda bıçaqlanma hadisəsi baş verib. Avtosfer.az apa-ya istinadən xəbər verir ki, 34 yaşlı Fərid Atakişiyev Bakı Beynəlxalq Avtovağzalı ərazisində bıçaqlanıb. Yaralı təcili tibbi yardım briqadası tərəfindən xəstəxanaya çatdırılıb.
Fərid Atakişiyevi bıçaqlayan şəxs hadisə yerindən qaçıb. Hadisə yerinə ərazi üzrə Binəqədi Rayon Polis İdarəsinin 6-cı Polis Bölməsinin əməkdaşları gəliblər. Şahidlər dindirilib, avtovağzal ərazisindəki müşahidə kameralarının görüntülərinə baxış keçirilib. Yaralını dindirmək hələlik mümkün olmayıb.
Hadisəni törədən şəxsin axtarışları davam edir. Faktla əlaqədar cinayət işi başlanıb.
ŞƏRH YAZ
DİGƏR XƏBƏRLƏR
