Axund ona hədiyyə olunmuş avtomobili məscidin xadiməsinə BAĞIŞLADI

Qazaxıstanda müsəlman din xadimi xeyirxahlıq və səxavət nümayiş etdirib. Belə ki, o, özünə hədiyyə edilmiş avtomobili məsciddə işləyən xadiməyə bağışlayıb. Avtosfer.az-ın salamnews-a istinadən verdiyi xəbərə görə, xeyriyyəçilik aktı Qazaxıstanın Aqmola vilayətinin inzibati mərkəzi olan Kokşetau yaşayış məntəqəsində baş verib. "Həzrət" məscidinin axundu Kanat Kıdırmin Astanaya yola düşməzdən əvvəl yerli sahibkardan “Toyota Camry” markalı avtomobili hədiyyəsi alıb. Lakin avtomobilin açarları ona təqdim ediləndən sonra axund qeyri-adi addım atıb. O, avtomobili məscidin xadiməsi özünə mənzil ala bilməsi üçün ona bağışlayıb. Qadının kirayə yaşadığı və həyat yoldaşının ölümündən sonra yeddi uşağı təkbaşına tərbiyələndirdiyi məlum olub.