Ayaqqabıda 120 min dollar keçirmək istədilər - FOTO

Rusiya vətəndaşlarının üzərində 120 min dollar aşkar olunub. Dövlət Gömrük Komitəsindən mətbuat xidmətindən Avtosfer.az-a verilən məlumata görə, Xaçmaz Gömrük İdarəsinin Gömrük hüquqpozmalarına qarşı mübarizə şöbəsinə daxil olmuş məlumat əsasında, idarənin “Samur” gömrük postunda Rusiya Federasiyası istiqamətinə gedən üç Rusiya vətəndaşının üzərində şəxsi yoxlama aparılıb.

Şəxsi yoxlama nəticəsində, həmin şəxslərdən iki nəfərinin ayaqqabılarında, bir nəfərinin isə corablarında, gömrük nəzarətindən gizlədilən 120.000 dollar aşkar olunaraq götürülüb.

Faktla bağlı araşdırma aparılır.