AZAL Kazana uçan sərnişinlərə XƏBƏRDARLIQ

“Azərbaycan Hava Yolları” (AZAL) QSC noyabrın 7-də saat 09:00-da Bakıdan yola düşən Bakı-Kazan (Tatarıstan) reysinin (J2-9575) sərnişinlərinə xəbərdarlıq edib.

Bu barədə Avtosfer.az-a AZAL-ın mətbuat xidmətindən məlumat verilib.

Kazan hava limanında əlverişsiz hava şəraiti ilə əlaqədar olaraq, hava gəmisinin komandiri təyyarəni Nijni Novqorod şəhərində endirməyə qərar verib. Eniş ştat rejimdə keçib.

Hava şəraiti yaxşılaşan kimi təyyarə yenidən Kazana uçacaq. Bu barədə əlavə məlumat veriləcək.