“AZAL”dan millət vəkilinə CAVAB

 “AZAL” millət vəkili Çingiz Qənizadənin ittihamlarına cavab verib. Avtosfer.az xəbər verir ki, bu barədə “Azərbaycan Hava Yolları” QSC-nin mətbuat xidmətinin rəhbəri Paşa Kəsəmənski “qafqazinfo”ya açıqlamasında bidirib ki, hazırda biznes klassda ön sırada oturmaq üçün heç bir ödəniş tələb olunmur:

“Çingiz Qənizadənin dediyi sistem bizdə biznes klassda tərtib olunmayıb. Ancaq ekonom klassda bu sistem var. Ekonom klass üçün bilet alan sərnişin ön sırada oturmaq istədiyi təqdirdə əlavə pul ödəməlidir. Bu aviaşirkətlərdə normal bir praktikadır. Deputatın dediyi məsələ ilə bağlı biz araşdırma aparacağıq”.

Qeyd edək ki, parlamentin bugünkü plenar iclasında çıxış edən Çingiz Qənizadə biznes klassda ön sırada oturmaq istəyən zaman ondan 30 dollar ödəniş istənildiyini deyib.