“Azəravtoyol” tender keçirir  

“Azəravtoyol” ASC tabeliyindəki “Magistral avtomobil yollarının istismarı” MMC-lər üçün nəqliyyat vasitələrinin satın alınması məqsədilə açıq tender elan edib. Avtosfer.az xəbər verir ki, bu barədə rəsmi mətbuatda məlumat verilib. Məlumata görə, Azərbaycan hökuməti “Azərbaycan Magistral Avtomobil Yolu-3” layihəsinin icrası məqsədilə Beynəlxalq Yenidənqurma və İnkişaf Bankından (BYİB) və Beynəlxalq İnkişaf Assosiasiyasından (BİA) kredit vəsaiti əldə edib və həmin vəsaitin bir hissəsini avtobuslar və kiçik tonnajlı yük maşınları (Lot-1), universal (pikap) və sərnişindaşıyan avtonəqliyyat vasitələri (Lot-2) almaq sərf etmək niyyətindədir. Malların çatdırılma müddəti müqavilə imzalandığı tarixdən etibarən 180 gündür. Tenderdə iştirak haqqı 170 ABŞ dollarıdır. İddiaçılar təkliflərini martın 10-na qədər “Azəravtoyol”un yerləşdiyi Bakı şəhəri, Biləcəri qəsəbəsi, R. İsmayılov küçəsi, 2025-ci məhəllə ünvanına təqdim etməlidirlər. Telefon: (012) 499 79 02

Əgər iddiaçı istehsalçıdırsa son üç il üzrə orta illik dövriyyəsi 2 mln. dollardan az olmamalıdır.