"Azəravtoyol"dan sürücülərə xəbərdarlıq - DİQQƏT

Sabahdan Bakı Dəmir Yolu Vağzalının yanındakı meydan və yol təmirə bağlanacaq. "Azəravtoyol" ASC-dən Avtosfer.az-a verilən məlumata görə, buna səbəb ərazidə asfalt-beton örtüyünün yenilənməsi ilə bağlı aparılacaq işlərdir.  Təmir işləri Azadlıq prospektindən (C. Cabbarlının heykəli) Dilarə Əliyeva küçəsi ilə kəsişməyədək olan ərazini əhatə edəcək. Sözügedən ərazidə hərəkətin məhdudlaşdırılması bir neçə günlük tətbiq edilir.

Qeyd edək ki, ərazidə Metronun 28 may stansiyasının əsas çıxışı da yerləşir. Amma təmir işləri metronun işinə təsir etməyəcək. "Bakımetropoliteni" QSC-nin mətbuat xidmətinin rəhbəri Nəsimi Paşayev İstiPress-ə açıqlamasında bildirdi ki, metro öz işinə davam edəcək. Sərnişinlər də əsas çıxışdan rahatlıqla istifadə edə biləcəklər. Çünki ərazidə piyadaların hərəkəti üçün nəzərdə tutulmuş səkidə hərəkət məhdudlaşdırılmayacaq.

Fidan