“Azərbaycan Dəmir Yolları” tender keçirir

“Azərbaycan Dəmir Yolları” QSC-nin (ADY) Texniki xidmət və istismar idarəsi xüsusi fəhlə geyimlərinin - işçi əlcəyi, işçi botinkası, siqnal jileti, qış gödəkçəsi, fəhlə-geyim dəsti (kitel və şalvar) və s. satın alınması ilə əlaqədar açıq tender elan edib. Bu barədə rəsmi mətbuatda məlumat verilib. Məlumata görə, tenderdə iştirak haqqı 300 manatdır. İddiaçılar ilkin sənədləri martın 1-nə qədər, tender təklifi və bank zəmanətini isə martın 10-na qədər ADY-yə (Bakı şəhəri, Nəsimi rayonu, Dilarə Əliyeva küçəsi, 230 ünvanına) təqdim etməlidirlər. Əlaqələndirici şəxs Təchizat şöbəsinin rəisi Şahin Paşayevdir.

Təkliflərə martın 13-də, saat 11:00-da adı çəkilən ünvanda baxılacaq.

Emin