Azərbaycan gəmiləri mürəkkəb əməliyyat keçirdilər

Azərbaycan Xəzər Dəniz Gəmiçiliyinin “Andoqa” və “Lyutoqa” təchizat-yedək gəmiləri texniki baxımdan çox mürəkkəb yedəkləmə əməliyyatını uğurla həyata keçirib. Avtosfer.az Trend-ə istinadən məlumat verir ki, Sinqapurun “Ezion Exerter Limited” şirkətinə məxsus, ağırlığı 12 min ton, hündürlüyü 130 metr olan yarımdalma qazma qurğusu bu gün səhər saat 7-də Xəzər dənizinin Türkmənistan şelfindəki təyinat nöqtəsinə çatdırılıb. Azərbaycanda yığılmış qazma qurğusu, çətin hava şəraitinə baxmayaraq, 4 günlük keçid ərzində Bakı reydindən Türkmənistana yedəklənib. Hazırda qazma qurğusu sifarişçiyə təhvil verilir. Qurğu Malayziyanın “Petronas” neft-qaz şirkəti tərəfindən istismar olunacaq.