“Azərbaycan Nəşriyyati”nin binası sökülür, yoxsa təmir edilir? - VİDEO

''Azərbaycan Nəşriyyatı''nın 9 mərtəbəli əsas binasının istismarı dayandırılır. Uzun illərdir orada müqavilə ilə icarədar olan mətbuat orqanları növbəti ayın 1-dən etibarən, təmir işləri ilə əlaqədar binadan köçürüləcək. Avtosfer.az xəbər verir ki, "Azərbaycan nəşriyyatı''nın məlumatına görə, binanın doqquzmərtəbəli əsas korpusunda aparılan texniki baxış zamanı ciddi qüsurlar aşkarlanıb. Binada əsaslı təmir işlərinin həcmi böyükdür və mərhələli şəkildə, bina istismar olunmaqla bu işlərin aparılması mümkün deyil. Bu səbəbdən istismarın tam dayandırılmasına qərar verilib. Nəşriyyat rəhbərliyinin bu qərarı xüsusilə orada icarədar olan media işçiləri arasında da müzakirələr yaradıb. Uzun illər bu binada fəaliyyət göstərən jurnalistlər və redaksiya əməkdaşlarının bəziləri hətta binanın təmiri deyil, tam söküləcəyi, həmçinin yerində yaşayış binalarının tikiləcəyi iddialarına da aydınlıq gəldi.