Azərbaycan və Qazaxıstan avtomobil daşınmaları üzrə razılaşdı

Bakıda beynəlxalq avtomobil daşınmaları üzrə Azərbaycan-Qazaxıstan Qarışıq Komissiyasının iclası keçirilib. Avtosfer.az xəbər verir ki, Qazaxıstanın İnvestisiyalar və İnkişaf Nazirliyinin rəsmi saytı xəbər verir ki, nümayəndə heyətləri 2017-ci ildə avtomobil daşınmalarının həcmi, xüsusi icazələrdən istifadə ilə bağlı məlumatlar barəsində fikir mübadiləsi aparıb və bir sıra digər məsələləri müzakirə edib. Qeyd olunub ki, iki ölkə arasında sərnişin daşımaları həyata keçirilmir. Amma nümayəndə heyətləri zərurət olacağı təqdirdə sərnişin avtomobil əlaqəsinin yaradılması məsələsini nəzərdən keçirəcəklərini bildiriblər. Tərəflər 2018-ci il üzrə ikitərəfli daşımalar və tranzit keçidi üçün 1000 ədəd miqdarda ilkin mübadilə təyin edilməsi barədə razılığa gəliblər. Üçüncü ölkələrdən icazə verilən daşımaların həcmi isə 300 ədəd miqdarından razılaşdırılıb.