Azərbaycanda bu gün toyu olacaq gənc qəzada öldü - FOTO

Astara rayonunda bir nəfərin ölümü, bir nəfərin ağır xəsarət alması ilə nəticələnən ağır yol-nəqliyyat qəzası baş verib. Avtosfer.az-ın Report-a istinadən məlumatına görə, hadisə Astara şəhəri ərazisində qeydə alınıb. Belə ki, “BMW” markalı, 90 OE 855 dövlət nömrə nişanlı minik avtomobili “VAZ-2107” markalı, 07 BE 113 dövlət nömrə nişanlı minik avtomobili ilə toqquşub. Nəticədə “VAZ-2107” markalı avtomobilin sürücüsü Məmmədzadə Nicat Fizuli oğlu ölüb, “BMW” avtomobildəki sərnişinlərdən biri Məmmədzadə Samir Nizami oğlu ağır xəsarət alıb.

Qeyd edək ki, dekabrın 17-də Nicat Məmmədzadənin toy mərasimi olacaqdı. Hadisə zamanı "BMW" avtomobilində ağır xəsarət almış sərnişin isə Məmmədzadə Samir Nizami oğludur. Qəzaya düşmüş hər iki avtomobildəki şəxslər yaxın qohumdurlar. Hər iki sürücü əmioğludur və onlar toydan əvvəl sevincək olub maşın sürmək həvəsinə düşüblərmiş... 

Faktla bağlı Astara Rayon Polis Şöbəsində araşdırma aparılır