Azərbaycanda kimlər sürücülük vəsiqəsi ala bilməz? - Xəstəliklərin SİYAHISI

Bu əks‑göstərişlər həm fiziki qüsurlar, həm də ciddi xəstəlikləri əhatə edir. 

Avtosfer.az “Savashmedia.az”a istinadən xəbər verir ki, Azərbaycanda kimlərə sürücülük vəsiqəsinin verilməsinə məhdudiyyət qoyulduğunu araşdırıb:

1. Fiziki qüsurlar

Sol əldə 3 və ya daha çox barmağın olmaması, funksiyasının pozulması və ya barmaq tam qatlanmaması.

Mərkəzi sinir sistemində hemiplegiya və ya paraplegiya kimi qalıcı simptomlar.

Aşağı ətrafın 6 sm-dən çox qısa olması (qüsur olmasa da, bud sümüyündən dabanadək uzunluğu 75 sm-dən azdırsa).

Kəllə sümüyündə travmatik deformasiyalar və törədilmiş nevroloji simptomlar.

Boyun ölçüsünün 150 sm-dən az olması.

2. Görmə və eşitmə

Eşitmə itkisi — nitqi 3 metr, pıçıltını isə 1 metr məsafədə eşitməmə halı, kompensasiya üsulundan asılı olmayaraq.

Görmə ilə bağlı konkret əks-göstərişlər birbaşa qeyd edilməsə də, görmə qabiliyyətinin sürücülük üçün əsas şərtlərdən olduğu vurğulanır.

3. Vestibulyar və sinir sistemi problemləri

Vestibulyar analizatorun disfunksiyası, başgicəllənmə sindromu və ya nistaqma (məsələn, Menyer xəstəliyi, labirintit və s.).

4. Ürək-damar sistemi xəstəlikləri

Qeyri‑stabil stenokardiya, ciddi aritmiyalar, miokard infarktı sonrası vəziyyətlər, endokardit, miokardit, ürək damarlarındakı anadangəlmə və ya qazanılmış qüsurlar.

Arterial hipertenziya (III dərəcə).

Bu hallarda hər il kardioloqun müayinəsi əsasında fərdi qərar verilir.

5. Tənəffüs sistemi və bronx-ağciyər xəstəlikləri

Tənəffüs çatışmazlığı və ya II–III dərəcə ağciyər‑ürək çatışmazlığı mövcud olduqda sürücülük hüququna icazə verilmir.

6. Endokrin xəstəliklər

Proqressivləşən ağır endokrin pozulmalar (“diabet” daxil <a href="https://savashmedia.az/azerbaycanda-kimler-suruculuk-vesiqesi-ala-bilmez-xesteliklerin-siyahisi" target="_blank">olmaqla).
Bu</a> zaman, ildə bir dəfə endokrinoloqun verdiyi rəy əsasında fərdi qərar verilir.

7. Nevroloji və psixi pozğunluqlar

Epilepsiya: Əgər şəxs ən azı iki il qıcolma keçirməyibsə, 1-ci qrup sürücülük vəsiqəsi alına bilər. Hər bir hal xüsusi tibb rəyinə əsasən qiymətləndirilir.

Şizofreniya, zehni gerilik və ağır şəxsiyyət pozğunluqları sürücülük hüququna ciddi maneə sayılır.

8. Alkoqol və psixotrop maddələrə asılılıq

Alkoqol və ya psixotrop maddələrə asılılıq olanlara sürücülük vəsiqəsi verilməmir.

Ən azı bir il abstinensiya və terapiyanın davam etdirilməsi şərtdir.

9. Kəskin böyrək xəstəlikləri

Kəskin böyrək çatışmazlığı yaşayan şəxslərə vəsiqə verilmir. Xronik halda, xəstəliyin mərhələsi və mütəxəssis rəyi əsasında qərar verilir.