Azərbaycanda silah anbarında partlayış baş verib - Fotolar+Video

Bu gün Siyəzən yaxınlığında silah anbarında güclü partlayış baş verib. Hadisə şahidlərinin verdikləri məlumata görə, partlayış yerinə çoxlu sayda yanğınsöndürən və təcili yardım maşınları göndərilib. Məlumata görə, hazırda Bakı-Quba yolu bağlanıb, avtomobillər geri göndərilir.

Müdafiə Nazirliyinin N saylı hərbi hissəsində silah anbarında yanğın baş verib. Avtosfer.az Müdafiə Nazirliyinə istinadən xəbər verir ki, nəticədə ərazidə partlama müşahidə olunub.

Hadisənin səbəblərinin öyrənilməsi və müvafiq təhlükəsizlik tədbirlərinin həyata keçirilməsi məqsədilə aidiyyəti strukturların nümayəndələrindən ibarət qrup hadisə yerindədir.

İndiyə olan məlumata görə həlak olan və xəsarət alan yoxdur.