Azərbaycanda tükürpədici hadisə: Ana 12 yaşlı qızını diri-diri yandırdı

Gəncədə 12 yaşlı qızını yandıran ana qaçıb. Evdən pul götürdüyü üçün qızı Quliyeva Vüsalə Füzuli qızının üzərinə benzin tökərək onu yandıran 1975-ci il təvəllüdlü Bülbül Qasımova 3 ildir ki, ikinci qrup əlil kimi təqaüd alır, ruhi xəstəlikdən əziyyət çəkir. V.Quliyeva ailənin yeganə övladı olub. Atası Füzuli Quliyev Rusiyaya işləmək üçün gedib. Hazırda hüquq-mühafizə orqanları övladını yandıran B. Qasımovanı axtarır. 

Xatırladaq ki, 2002-ci il təvəllüdlü Vüsalə Fizuli qızı Quliyeva bədənin ağır dərəcəli yanığı xəsarəti ilə Gəncə şəhər 2 saylı Birləşmiş Uşaq xəstəxanasına yerləşdirilib. Ona dərhal tibbi yardım göstərilsə də, ötən axşam 12 yaşlı qız dünyasını dəyişib (APA).

14:53

Gəncə şəhərində dəhşətli qətl hadisəsi baş verib. Avtosfer.az “Report”a istinadən xəbər verir ki, Gəncədə 12 yaşlı qız anası tərəfindən diri-diri yandırılaraq qətlə yetirilib. İlkin məlumata görə, qızın adı Vüsalə Quliyevadır. Hadisənin qızın evdən xəbərsiz pul götürməsi üstündə baş verdiyi, cinayəti törədən qadının isə ruhi xəstə olduğu bildirilir.