Azərbaycanda velosipedlər avtomobillərdən çox bahalaşıb

Azərbaycanda 2017-ci ilin yanvar-may aylarında ötən ilin eyni dövrü ilə müqayisədə minik avtomobilləri 10,8%, minik avtomobilləri üçün ehtiyat hissələri 12,7%, velosipedlər 15,3% bahalaşıb.

"Report" bu barədə Dövlət Statistika Komitəsinin təqdim etdiyi istehlak qiymətləri indeksinə istinadən xəbər verir. 

Qeyd edək ki, 2016-cı ilin eyni dövründə isə illik bahalaşma müvafiq olaraq minik avtomobilləri üzrə 17,3%, onun ehtiyat hissələri üzrə 14,1% və velosipedlər üzrə 69,4% təşkil edib.

Rəsmi statistikaya əsasən, may ayında minik avtomobillərinin qiymətlərində dəyişiklik qeydə alınmayıb. Minik avtomobili hissələri və velosipedlərin qiymətləri isə müvafiq olaraq 0,3% və 0,8% artıb.