Azərbaycanla İraq arasında birbaşa aviareys açıla bilər

Bakıda Azərbaycan və İraqın aviasiya administrasiyalarının nümayəndə heyətləri arasında danışıqlar aparılıb. Avtosfer.az xəbər verir ki, bu barədə musavat.com-a Azərbaycan Dövlət Mülki Aviasiya Administrasiyasından bildirilib.

Məlumata görə, danışıqlar zamanı tərəflər hava nəqliyyatı sahəsində ikitərəfli əməkdaşlıq məsələlərini, iki ölkə arasında müntəzəm sərnişin və yük uçuşlarının yerinə yetirilməsi perspektivlərini müzakirə ediblər. Görüşdə hər iki ölkənin təyin edilmiş aviaşirkətlərinin nümayəndələri iştirak ediblər. İraqın mülki aviasiya nümayəndə heyəti Heydər Əliyev Beynəlxalq Hava Limanının fəaliyyəti ilə də tanış olub.