Azərbaycanlı pilotlar Rusiya səmasına qalxacaqlar

Rusiyanın Ryazan vilayətində keçiriləcək "AVİADARTS - 2016" müsabiqəsində Azərbaycandan olan pilotlar da iştirak edəcəklər. Avtosfer.az anspress-ə istinadən bildirir ki, "Dubroviçi" aviapoliqonunda baş tutacaq müsabiqədə Rusiya hərbi kosmik qüvvələrinin pilotlarından başqa, Çin, Belarus, Qazaxıstan, Pakistan və Azərbaycan Hərbi Hava Qüvvələrindən olan komandalar iştirak edəcək. 

Birinci iki yeri tutan pilotlar avtomobillə mükafatlandırılacaqlar. 

"AVİADARTS" hərbi pilotlar arasında şərti düşmənin hava hücumundan müdafiə sistemlərinin dəf edilməsi, idarəolunmayan raketlər, aviasiya silahları və idarəolunan tankəleyhinə raketlər vasitəsilə yerdə olan hədəflərin vurulması üzrə tapşırıqları icra edəcəklər.

Azərbaycan pilotlarının qatıldığı sonuncu təlimlər "Anadolu Qartalları" olub.  Mayın 30-dan başlayan təlimlərdə 7 ölkənin (Türkiyə, Azərbaycan, Avstraliya, Niderland, İtaliya, Pakistan və Səudiyyə Ərəbistanı) quru qoşunları, hərbi hava və hərbi dəniz qüvvələri bölmələri, o cümlədən NATO qərargahının nümayəndələri iştirak ediblər. Azərbaycan təlimlərdə Hərbi Hava Qüvvələrinin 3 pilotu ilə təmsil olunub.