Azərbaycanlılar qaçaq yolu ilə İstanbula siqaret aparmaq istədi, amma... - FOTO

Sivasın Suşehrində polis tərəfindən saxlanılan sərnişin avtobusunda 3 azərbaycanlının çamadanından gömrükdən qaçaqmalçılıq yolu ilə keçirilən 4 min paket siqaret aşkarlanıb. Avtosfer.az-ın A24.az-a istinadən məlumata görə, Iğdırdan İstanbula gedən sərnişin avtobusu dayandırılaraq içərisində olan insanların şəxsiyyətləri araşdırılıb. Araşdırma zamanı 10, 47 və 48 nömrəli oturacaqlarda əyləşən Azərbaycan əsilli sərnişinlər şühbə yaratdıqları üçün kimlikləri və çamadanları axtarılıb. Axtarış zamanı çamadanın içərisindən 4 min paket siqaret ələ keçirilib. Axtarış zamanı Namiq İ. (33), Həsən G. (33), Elvin A. (34) adlı azərbaycanlı sərnişinlər saxlanılaraq polis bölməsinə aparılıb.