Babək prospektində ərazi yararsız şinlərlə zəbt edilib - VİDEO

Paytaxtın Babək prospektində Mərasim evinin qarşısı zəbt edilib.

Avtosfer.az xəbər verir ki, avtomobillərin parklanmasının qarşısını almaq üçün əraziyə yararsız şinlər düzülüb.

Bir müddət əvvəl polis əməkdaşları ərazidə yoxlama aparıblar və məsələ nəzarətə götürülüb. Ancaq çox keçmədən eyni problem yenidən ortaya çıxıb.

Sakinlər dəfələrlə obyekt sahibinə şikayət etsələr də, heç bir nəticə əldə olunmayıb. Mərasim evində məclis olarkən şinlər yığışdırılsa da, digər günlərdə yenidən ərazi zəbt olunur.

Məsələ ilə bağlı Azərbaycan Yerüstü Nəqliyyat Agentliyindən (AYNA) bildirib ki, əraziyə baxış keçirilib. Yolun bir hissəsini zəbt edən sahibkara ciddi xəbərdarlıq edilib.